Kuntilanak

Kuntilanak (hurup Arab gundul: کنتيلانق) atawa Puntianak (hurup Arab gundul: فنتيأنق) yaentu sétan nyang asalnya deri wadon nyang lagi bunting tapi mati pas bunting atawa mati pas lagi beranak èn anaknya belon sempet kuar deri perut. Nama "puntianak" entu singkatan deri "perempuan mati beranak". Enni tahayul mirip kaya' mitos sétan nyang ada di Asia Kidul-Wètan, utamanya entu di daérah Nusantara kaya' Malésia, Singapur, Bruné Darussalam, Mindanao (Pilipénen bekidul), èn Petani (Muang-Tay bekidul).

Mengikut sejarah, kota Pontianak asal namanya konon deri Sultan Abdurrahman Algadri nyang jadi sultan pendiri Kesultanan Pontianak digangguin ama enni sétan kutika lagi nentuin tempat bakal ngeja istana kesultanan. Jadinya, enni nama sétan diambil jadi nama kesultanan juga-juga jadi nama kota nyang ada di Kalimantan Kulon.