Lontong sayur
Lontong sayur (hurup Arab Gundul: لونتوڠ سايور) atawa kotan-kotan digero' lontong gulé لونتوڠ ݢولي) ya'entu atu makanan Indonesia nyang isinya lontong diracik-racik, entakanuh diguyur ama sayur nyang digodog pake kuah santen èncèr. Sayuran nyang dipaké entu kaya' labu siem, buncis, ama nangka muda, ganu bolé ditamba'in témpé, tahu, telor rebus, sambel èn krupuk.[1] Enni makanan sokanan dibikin ama orang Betawi[2] ama Minangkabo.[3]
Lontong sayur entu mèmper banget ama tupat sayur, bédanya cuman dalem hal mili: mao paké tupat apa lontong. Kalo di Jakarta, ni makanan kesohor banget bakal sarapan pagi, selaèn bubur ayam ama nasi uduk.[4]
Kalo di Sumatra Kulon, enni makanan namanya lontong gulé Minang. Bumbunya mah medok has masakan Minangkabo. Kuah santennya paké bumbunya seabreg.[3] Macemnya lontong gulé entu tuladnya kaya': lontong gulé paku, lontong gulé tauco, lontong gulé cubadak. Enni makanan biasanya ditanjain paké telor bulet, mi gorèng èn krupuk mèra. Tapi wayah gini, lontong gulé bisa ditamba'in gulé tunjang (sikil sampi). Lontong gulé biasa dijadi'in sarapan pagi ama orang Sumatra Kulon.
Ruju'an
permak- ↑ Nyonya Rumah, Julie (2015-09-28). 180 Recipes Complete Menus of Indonesian Kitchens (dalem basa Indonésia). Gramedia Pustaka Utama. ISBN 9786020321103.
- ↑ Lyliana, Lea (2021-06-22). "Resep Lontong Sayur Betawi, Hidangan Berkuah Santan untuk Sarapan". KOMPAS.com (dalem basa Indonésia). Dipungut 2024-05-27.
- ↑ a b "Lontong Sayur Padang, Beda Dengan Lontong Lainnya". Sari Bundo Masakan Padang (dalem basa American English). 2015-05-06. Dipungut 2024-05-27.
- ↑ Yupa (2023-11-16). "Lontong Sayur, Another Rice Dishes for Breakfast in Jakarta" (dalem basa Inggris). Jakarta Walking Tour. Dipungut 2024-05-27.