Pamali: Indonesian Folklore Horror

Pamali (hurup Arab gundul: فمالى) sebenernya entu larangan-larangan atawa ihwal nyang kaga' boléh dilakonin ama orang. Soalnya kalo dilakonin katanya bakalan ada ihwal pejajaran nyang bakal dateng sewaktu-waktu. Contonya kaya' bediri di depan pintu, katanya bakal bikin jodoh seret, terus ada juga kalo seumpama tengkurep kaga' boléh kakinya ditaèkin, nanti bakal ditinggal mati ema'. Nah enni ihwal diambil jadi gim ama StoryTale Studio bakal dimaènin ama orang-orang èn kata "pamali" dijadiin nama gimnya.

Cara maèn

Pemaèn bisa jalanin èn behubungan atawa nanggepin atu benda. Kalo nyang dilakonin entu ihwal nyang sompral jadinya nantinya bakal dicatet jadi "catatan sompral". Ada banyak pengnyeleséan lakon dalem enni gim.

Sinopsis

The White Lady (Kuntilanak)

Jaka entu seorang perjaka nyang lagi bokè' èn pèngèn jual keluarga punya rumah. Cumanan, pas lagi beberès rumah bakal dijual, si Jaka ketemu ama sétan céwé' nyang gableg rambut panjang (kuntilanak). Entu sétan kaga' laèn èn kaga' bukan iélah dia punya mpo' sendèwèk.

The Tied Corpse (Pocong)

Cècèp entu tukang jaga kobèr. atu wayah, Si Cècèp tibanan dikasih tanggung jawab suruh ngikut dalem penguburan jenasah. Pas lagi nguburin, si Cècèp ngelakonin sompral, jadinya si Cècèp ketiban suwè' digentayangin semalemam. Si Cècèp digentayangin ama entu arwah sétan pocong nyang baru dikuburin.

The Little Devil (Tuyul)

Putri, mahasiswi nyang lagi cari duit tambahan bakal berobat bapa'nya. Si Putri nyambangin engkongnya punya rumah èn ngarep banget dapetin duren jatoh. Bagèn kata bapa'nya ngentongin si Putri biar kaga' ketuman ke engkong punya rumah, soalnya di situ ada mahluk kecit sekali nyang dipaké engkongnya bakal gaèt duit-duit biar keja sugih. Cuman, Putri tuman pisan. Pegi si Putri ke engkongnya punya rumah. Bener pisan, ketemuan dah si Putri ama entu mahluk kecit sekali atawa tuyul.

The Hungry Witch (Lèak)

Kirana lagi bunting anaknya. Si Kirana mèrad dia paké mobil ke dia punya udik. Cuman, pas dia lagi di jalan mobilnya ke arah kampung udiknya, si Kirana ngiat dia punya ema' udah kegelèpar di belakang rumah. Si Kirana kaga' tau-menau soal apa kejadiannya. Nah bener pisan, mahluk pala barong tukang makan orog nyang baru lair, nyambangin ema'nya punya rumah èn nyerang kuarganya.