Telampangan pemaké

Telampangan pemaké (hurup Arab Gundul: تلمفڠن فماکى; Inggris: user interface) ngijinin pemaké sili betindak ama mesin. Telampangan pemaké utamanya ngongsongin ni dua hal:

• masupan (input) Pemaké bisa ngrobah apa-apa; dia bisa ngerobah pegimana tu mesin begawé, atawa ngasi inpormasi ke tu mesin.
• kuaran (output) Abisnya pemaké ngasi masupan, tu mesin bakal ngelakonin atu hal, èn ngongsongin berapa kuaran.

Telampangan pemaké di pabrik gula paké tombol pijetan

Penerjemahan istilah

Istilah user interface diterjemahin ke basa Betawi sebagé telampangan pemaké, mangka ni – kata keanyaran (neologisme). Adapun sebabnya ngapa ni kata nyang dicomot ièlah bahnanya telampangan entu asalnya deri kata tampang nyang diselesepin ama selesepan (infix) -el- èn ditarohin akhiran -an. Artinya, interface entu penggambarannya ièlah atu tampang nyang ditampangin ke adep-adepannya dia punya pemaké.