Tanjidor
Tanjidor (hurup Arab Gundul: تنجيدور) entu orkès musik terdisionil orang Betawi nyang ngembang di Jakarta, Indonesia.[1] Nama tanjidor asalnya dari basa Portugis tangedor, nyang artinya "maèn gending di luar ruma".[2]
Jabaran
permakOrkès tanjidor enni rupanya kaya' orkès kecil, èn dia mulain muncul pas abad ke-19. Pelopornya nama Augustijn Michiels, nyang lebi kesohor dipanggil Mayor Jantje, ya'entu dimulain di bilangan Citrap (Citeureup) di lingiran kota Betawi (kalo sekarang masup Bogor Kabupatèn).[2]
Alat-alat gending nyang dipaké ampir sama aja ama nyang dipaké ama band militer, marching band, atawa korep drum band. Biasanya, dipaké beragem alat gending tiup ama alat gending pukul.[2] Tanjidor èmang deri jaman dulu sering dimaènin bakal ngamen di jalanan, atawa ditanggap bakal ngisi keriaan kaya' Cap Go Mèh orang Tionghoa[1] atawa Lebaran Betawi.[3]
Selaèn Jakarta, ada juga orkès tanjidor dimaènin orang di Pontianak, Kalimantan Kulon.[4]
Ruju'an
permak- ↑ a b "From religious rituals to festive attractions: Indonesians prepare to celebrate Chinese New Year". The Jakarta Post. 24 January 2020. Dipungut 2020-07-13.
- ↑ a b c Media, Kompas Cyber (11 September 2009). "Mayor Jantje dan Tanjidor". KOMPAS.com. Dipungut 2020-07-13.
- ↑ "Transjakarta provides free buses to Lebaran Betawi site". The Jakarta Post. Dipungut 2020-07-13.
- ↑ "Grup Tanjidor yang Diperkuat Para Pemain Muda". Pontianak Post. 2019-10-13. Dipungut 2020-07-13.